Mienendo miwili unayotakiwa kuishi nayo ili kupata furaha ya kweli.

Furaha ndio hali ambayo imekuwa inatafutwa kwa gharama kubwa sana na watu. Watu wamekuwa wakikazana kufanya mambo mengi ili mradi wapate furaha.

Kwa bahati mbaya wengi wamekuwa wakitafuta furaha lakini wameshindwa kutambua aina gani ya furaha wanayo itafuta. Wengi wamekua wakifikia pale wanapokuwa wanataka kufika wanapata furaha lakini furaha haidumu, mwisho wanagundua kuna kitu hawajakamirisha.

Watu wengi wamekuwa wakikazana kukusanya vitu wakifikiri watapata furaha lakini imekuwa tofauti kabisa hawapati furaha wanayoitaka. Kwa bahati mbaya furaha huwezi kuikusanya ama kununua kama kitu. Ukweli ni kwamba hata uwe na pesa kiasi gani huwezi kuinunua furaha.

Upendo na ukweli ndio hali pekee ambazo zinaweza kukupa wewe furaha ya kweli. Wengi wamekuwa wakitafuta furaha kwenye vitu.

Mpedwa msomaji, upendo ndio hali pekee ambayo inaitawala dunia, lazima uanze kutambua wajibu wako kwa wengine, huwezi kuwapenda wengine kama wewe ni mbinafsi, huwezi kupenda wengine kama wewe unaajali sana vitu. Lazima utambue kwamba wewe umezaliwa kuwajali wengine. 

Kwenye swala la ukweli wengi saizi hatuna ukweli kabisa, wengi tumekuwa tunawaongopea wengine tukijua ya kwamba tunawapenda. Unaweza ukaona ya kwamba unampenda mtu kwa kumuonea huruma lakini ukweli huo sio upendo wa kweli. Sehemu ambayo mtu anatakiwa mtu kuambiwa ndiyo, mwambie ndiyo, wakati ambao unatakiwa kuambiwa hapana basi na iwe hivo. Unapomwongopea mwingine kumbuka ukweli haukimbii na utakuja kudhihirika siku moja. Ukiongopa unahitaji kusimamia uongo wako usitoke nje lakini ukweli unaisha hapohapo.

Mpendwa msomaji, upendo na ukweli ndio siraha pekee ya furaha na mafanikio unayotaka utapata.

Endelea kutembelea blogu hii kujifunza zaidi.

Wako Sadick Kilasi wa jikolaushauri.blogspot.com 

Mawasiliano ni 0687000768 au sadikila65@gmail.com.