Huu ndio wakati ambao unaweza kujenga fikra zako na ukajengeka na baadae kuyafikia mafanikio makubwa

U hali gani mpendwa msomaji wa blogu yetu ya JIKO LA USHAURI? Natumai umeshinda vizuri upo salama kabisa. Bila shaka siku yako imekuwa bora sana. Ni jambo la kumshukuru mwenyezi Mungu ambaye katufikisha wakati huu wa usiku na hatuna budi kumshukuru, Mungu wetu muumba mbingu na nchi tunakushukuru kwaajiri ya siku hii ya leo asante kuturinda siku nzima, tazama sasa ni wakati wa usiku huu na tunenda kulala, wakati huu nyama zetu zinaenda kufa, ehe Mungu wetu ukawe pamoja nasi na ukatuamshe salama katika siku ya kesho, tunaomba utusamehe dhambi zetu tulizofanya leo na hata sasa.

Mpendwa rafiki yangu kuna wakati ambao ni mzuri kwetu sisi kujifunza na kujenga fikra zetu kwa usahihi. Wakati huu mtu huwa anajengeka kwa ubora sana na hasa unapokuwa unajirudiarudia akili huwa inafanya kazi kubwa sana. Wakati wenyewe ni wakati wa changamoto. Changamoto ndizo huwa zinamjenga mtu nakuwa bora sana.

Mpendwa rafiki yangu kama unataka kujengeka kiakili na hekima basi huu ndio wakati wake hakuna sehemu nyingine ambayo unaweza kujengeka kiakili kama wakati huu. Watu wengi wenye mafanikio makubwa duniani hao ndio wametatua changamoto nyingi sana na ndozo zili waweka pale walipo.

Ukweli ni kwamba maisha bila ya changamoto si maisha, fikiria ya kwamba tungekuwa tunaishi bila ya changamoto vipi ingekuwaje? maisha yangekuwa wapi? vipi tungekuwa hapa tulipo au tungekuwa huko tulikokuwa zama za mawe?  Ukweli ni kwamba maisha bila changamoto tungekuwa tumekufa kabisa maana vitu ambavyo vimekufa havina changamoto.

Mpendwa rafiki yangu wakati changamoto inapotokea hakikisha unaiangalia kwa jicho la upana, ipe wakati wakufikiria wewe mwenyewe bila ya kukimbilia kwa watu kuomba msaada na hapa ndipo mantiki yako itakapo kuwa kubwa. Unaweza ukapata jibu la kukosea lakini ukishajua ya kwamba hapa nimekosea na ukarudia tena ukafanya vizuri ni wazi kabisa ya kwamba hutokosea tena.

Sisi binadamu tunapenda mambo yetu yawe laini na wakati tunakutana na changamoto tunaona kuwa pale ndio ukomo wa mambo lakini kumbe haipo hivo. Changamoto yako ni yako huna haja ya kumpa mtu mwingi lakini ukishindwa mwambie akupe maelwkezo sio maelezo. Maelekezo yatakujenga inamaana kwa hali hiyo huwezi kufanya makosa tena.

Mpendwa rafiki yangu jambo la kufanya saizi ni kuepuka zile hamasa sizo na maana, mtu unachangamoto unaambiwa tulia tu mambo yatakaa sawa, ukweli ni kwamba unatakiwa kufikiria siyo kusema utafanikiwa pasipo njia. Chukua hatua saizi jiulize uliambiwa ya kwamba utafanikiwa tu leo uko wapi? Hamasa inatakiwa ukipe wewe mwenyewe sio mtu mwingine kwani maisha ni wewe, hakuna mtu mwingine ambaye anaweza kuchukua jukumu la maisha yako.

Kama wewe huwa unakuwaga na mawazo yale ya kusaidiwa na mtu mwingine yaani kuwa tegemezi basi umepotea sana kwa sababu huwezi ukajijenga wewe mwenyewe binafsi. Changamoto ni ladha ya maisha na utamu wake anujua muhusika.
Endelea kutembelea blogu hii ili kujifunza zaidi lakini pia unaweza kujiunga nami kwa kujaza fomu ambayo inamaelezo ya kwamba jiunge nami. 

Utatu wa maisha ni KUWA+FANYA=SUBIRI MATOKEO.
Wako SADICK KILASI
Mawasiliano ni 0687000768 au sadikila65@gmail.com
WWWW
W