Hii ndio silaha pekee uliyonayo wewe ukiitumia vizuri lazima itakupa mafanikio makubwa

Wakati mwingine unaweza ukawa unajiuliza nitafanya nini kwenye hii dunia mbona kila kitu ambacho nataka kufanya kinafanywa na wengine? Wakati bado hujaingia kwenye hilo jambo ulikuwa unaona kama wafanyaji ni wachache lakini baada ya kuingia unaona wanaofanya ni wengi na tayari unaanza kukata tamaa nakuona ya kwamba huwezi kushinda nao.

Ni kweli kama unataka kushindana nao hutoweza utashindwa lakini nikutie moyo ya kwamba wewe unayo silaha pekee ambayo silaha yenyewe ni wewe kama wewe. Ikiwa kwenye shughuli hiyo utasimama wewe kama wewe lazima utapenya kwenye kundi kubwa  ambalo linawashindani wengi.

Utasimamama wewe kama wewe kwa kutoa kile kitu ambacho kipo ndani yako. Unajua binadamu kabla hujatoa hiyo sauti ya nje huwa unajiongelesha ndani kwanza yaani unaweza ukajiuliza swali harafu ukajijibu mwenyewe halafu ndipo unamuuliza mtu mwingine sasa ile sauti yako ya ndani ndiyo uitumie kama silaha ya mafanikio yako.

Kitu ambacho unatakiwa kukitambua mpendwa wangu ni kwamba binadamu hatufanani kwa kila kitu hata muwe mapacha wa kufanana bado kuna vitu vinatofautiana. Ukisimama wewe kama wewe lazima uoneshe uhalisia wako watu watakupenda wewe kama Sadick Kilasi hiyo kopi watu hawata ipenda.

Ukijitofautisha na washindani wako kwa jia hii ni lazima utafanikiwa tu haijarishi mnafanya kitu kimoja mpo wangapi kumbuka unatakiwa kufanya sauti yako ya ndani, mawazo yako ya ndani na ikisha fanya kwa ubunifu mkubwa tayari wewe utatengeneza chako.

Kitu cha kukumbuka hapa lazima utambue ya kwamba sio kila mtu ni wakwako bado kuna watu wengine sio wa kwako, watu wanao mpenda Sadick sio wote watakao mpenda Juma na huo ndio upekee wenyewe na ukitaka watu wasio kukubali wakukubali basi ongeza ubunifu lakini sio wote watakukubali.

Kama wewe ni mwimbaji anza kuimba wape watu ujumbe mzuri na wakipekee  na watu waseme ladha kama hizi nitazipata wapi. Kama wewe unapenda kuandika andika kwa ubunifu mkubwa.

Fanya kazi kwa ugmu utafanikiwa.
Wako SADICK KILASI
Mawasiliano ni 0687000768 au sadikila65@gmail.com