Wazo lenye nguvu

Ni siku nyingine tena rafiki yangu, siku mpya ambayo mwenyezi Mungu katujalia kuiona. Sisi tulio wazima wa afya hatuna budi kumshukuru mwenyezi Mungu kwaajili ya upendo wake wa kutujalia siku hii ya leo. Kwaajili ya neema na rehema za mwenyezi Mungu tumejaliwa kuiona siku hii mpya. Tunasema ni neeema na rehema za mwenyezi Mungu ni kwa sababu si kwa uweza wetu au si kwa sababu tumebarikiwa sana hapana ila ni kwa sababu ni neema ya bure ya mwenyezi Mungu.

Karibu tujifunze kupitia makala ya leo ambayo nimekuandalia wewe mpendwa wangu msomaji ili wote kwa pamoja tupate kujifunza na tunufaike kwa namna moja au nyingine kwa namna kila mmoja atakavo jaliwa kuelewa.

Moja kati ya sifa ya Mwalimu Nyerere ni kupenda watu wawe katika hali ya umoja, na hiki ndicho kitu ambacho Mwalimu alikipigania sana. Pamoja na yote aliyofanya yeye alitaka watu tuwe na umoja. Alijitaidi sana kutengeneza umoja na amani, yeye alipiga vita sana ukabila na udini, alipiga vita sana ubinafsi yaani umimi, alipiga vita sana udini. Mwalimu aliona mbali alitambua ya kwamba tukiwa na umoja amani itapatikana. Yeye alitamani Afrika nzima kiwe kitu kimoja, Mwalimu hakufanya yote haya kwaajili yake peke yake bali aliwatumikia watu bila ya kujali au kubagua watu wa aina fulani.

Wazo lenye nguvu ni lile wazo ambalo lipo kwaajiri ya kuwasaidia wengine, inawezekana unaona na unakelwa na mambo fulani ambayo jamii inakosa au inachangamoto fulani lakini wewe una wazo, waweza kuwasaidia kupitia wazo lako. Tumezaliwa ili tutoe nuru penye kiza, tumezaliwa kuwa nuru kwa wengine, tumezaliwa kukamirisha palipo kosa ukamirifu, hili ndilo kusudi kuu la maisha. Wazo lenye nguvu ni kwaajili ya kuwasaidia watu kama alivo kuwa Mwalimu anafanya, yeye alijitaidi kuwasaidia watu kuwa na umoja bila ya kuchagua huyu wa nchi fulani na huyu wa nchi fulani, alitenda sawa sawa na mapenzi yake bila kubagua , alijaa utu ndani yake.

Rafiki yangu msomaji usianze kukimbizana kutafuta vipawa, mara mimi nimezaliwa nifanye nini!  Tupo kwaajili ya wengine si kwaajili yetu, wazo lolote lile ambalo unahisi litasaidia watu wewe litoe kwa ajili ya wengine. Wazo lenye nguvu ni lile ambalo lipo wajili ya kuwasaidia wengine bila kujali kundi la watu fulani yani linasaidia bila mipaka.

Endelea kujifunza kupitia blogu hii, na kumbuka kutumia vizuri falsafa ya mti ambayo ni mizizi inayoenda chini zadi huufanya mti usitikiswe na chochote.

Wako Sadick Kilasi
Mawasliano ni 0687000768 au sadikila65@gmail.com, tuma ujumbe kwa maoni na ushauri.