Hili ndilo neno ambalo ukitamka tu, lazima utafanikiwa katika jambo unalotaka kufanya

Habari rafiki? Karibu katika makala ya leo ambayo nimekuandalia leo ili tujifunze kwa pamoja mimi na wewe msomaji wangu.

Katika maisha kuna mengi sana tumekuwa tunayafanya, kuna mengi sana tumekuwa tunayatenda, kunamengi sana tumekuwa tunayanena. Tumekuwa tunayafanya mengi kwa kuwajenga wengine lakini wakati mwingine tumekuwa tunawabomoa na kuwaumiza wengine na wakati mwingine tumekuwa tunajiumiza wenyewe.

Lakini yote haya ambayo tumekuwa tunayafanya yamekuwa yakitegemea neno moja tu, 'sababu' Neno hili linaweza kutumika vizuri au linaweza kutumika vibaya. Neno hili linamtegemea mtumiaji mhusika mwenyewe, linaweza kutumika kubomoa au linaweza kutumika kujenga.

Wakati ambapo limekuwa likitumika kujenga, mfano; sababu iliyonifanya nifungue biashara ya duka la vyakula eneo hili ni uhaba wa maduka ya vyakula maeneo haya, sababu iliyo nifanya niweke usafiri maeneo haya ni uhaba wa daladala maeneo haya. Kwa hapa neno hili limetumika ili kuwasaidia wengine, na sababu zenyewe zinaleta maana kabisa.

Lakini pia hili neno linaweza likatumika kuwaumiza wengine, mfano; sababu iliyonifanya nifungue duka la vyakula maeneo haya nimeona nimeona huyu jamaa anauza sana kwahiyo hii biashara maeneo haya inalipa, sababu ya kutokufanya biashara kwa sababu nimekosa kampani ya watu. Rafiki yangu huku pia sababu zinaleta maana kabisa.

Neno hili linatakiwa kutumika vizuri sana. Jambo lolote lile ukilipa sababu linanguvu sana na ndio maana hata siku moja hutoweza ona watu wote wamekubali kitu kimoja hata kiwe kizuri kiasi gani wapo watakao pinga kwa sababu ya sababu. Watapinga jambo zuri na wataeleweka kwa wengine na upinzani utakuwa mkubwa na maana ya kupinga itaonekana, nimemwuua kwa sababu ni mwizi, inaleta maana lakini ni mbaya sana hii.

Mimi na wewe rafiki yangu neno sababu lipite pale tu, tunapotaka kuwajenga wengine na sio kubomoa wengine, kutatua matatizo ya wengine. Ukianza na wewe, utaishia na wewe. Usifanye kitu cha kibinafsi huwezi leta maana hata siku moja. Hivi rafiki yangu ushawahi kujiuliza kwa kwanini viongozi wa serikali huwa wanaanza kwa unyenyekevu halafu mwishoni wanakuwa mafisadi. Alianza kwa kuanza kutatua mataizo ya kwake binafsi, alikuwa hana hela ndio maana akagombea sasa hii ni sababu mbaya katika uongozi, anza kuangalia matatizo ya watu kabla ya wewe, hutokuwa fisadi.

Sababu iliyotufanya tuwepo si kwasababu tupo, ni kwasababu ya wengine kwani tulikuwepo kabla ya kuwepo. Sababisha kwa wengine.

Endelea kujifunza kupitia blogu hii ya JIKO LA USHAURI, pia naomba unisaidie kuwashirikisha wengine ujumbe huu ili uwafikie wengi zaidi, utakuwa umesababisha.
Katika yale maneno matatu ya mwaka 2018, neno la KUWA, linataka uwe unapenda kujiuliza wewe mwenyewe.

Wako SADICK KILASI wa jikolaushauri.blogspot.com
Mawasiliano ni 0687000768 au sadikila65@gmail.com, leo usiache kutoa oni au dukuduku yako.
Asante.