Tabia hizi mbili, ndizo zinazokufanya kuwa mtu mwenye manufaa kwa watu na kupoteza utu wako.

Ni siku nyingine tena, siku mpya ambayo mwenyezi Mungu katujalia kuiona, na sisi hatuna budi kuitambua siku hii ya kwamba ni siku ya muhimu kwetu. Siku muhimu lazima tuidhamini na gharama yake ni kubwa mno kwa sababu tumeifikia kwa neema tu za mwenyezi Mungu. Wapo ambao walitamani kuiona siku lakini wameshindwa, sisi ambao tumejaliwa kuiona lazima tuidhamini siku hii na kutoa matokeo chanya katika maeneo mbalimbali ya shughuli zetu.

Mpendwa msomaji karibu katika makala ya leo, makala hii ya leo inakichwa kinachosema, tabia hizi mbili, ndizo zinazokufanya kuwa mtu mwenye manufaa kwa watu na kupoteza utu wako. Tabia hizi mbili ndizo ambazo zinaweza kukupa mafanikio ya kweli au kuwa mtu mwenye manufaa kwa watu. Ninaposema mtu mwenye manufaa kwa watu ni yule mtu ambaye anatumika kama chombo tu yaani anakuwa ni usefully kwa mtu. Mtu ambaye anatumika kwa mtu huwa anakosa umuhimu, wakati wowote anaweza kupakiwa kama chombo fulani, mfano ghari, simu yaani vitu vyote huwa ni vya kupaki pale vinapokosa manufaa na haviwezi kutumika tena.

Hii ni changamoto ambayo inatukumba wengi sana, hasa tabaka la chini kabisa na la kati. Watu maskini na watu tabaka la kati huingia kwenye changamoto hii bila wao wenyewe kujua sababu zilizopelekea kuwa hivo. Watu wenye manufaa ni wale watu ambao kila siku wanapambana na kutetea nafasi zao za kazi na hata kwenye biashara hali hii ipo. Ukiona wewe kila siku unapambana kutokuachishwa kazi, basi tambua wewe ni mwenye manufaa, ukiona wewe unapambania cheo fulani tambua wewe ni mwenye manufaa. Rafiki yangu chenye manufaa kimekosa umuhimu, kwahiyo wakati wowote kinaweza kupakiwa pembeni.

Hizi ndizo tabia mbili ambazo zinakufanya uwe mtu wa manufaa kwa watu na kugeuzwa kitu na kupoteza utu wako.

1.Ubinafsi. Tabia ya ubinafsi ndio tabia ya kwanza ambayo hupelekea kuwa kitu kwa watu badala ya kuwa mtu. Ubinafsi hupelekea kuwa mtu mwenye manufaa kwa watu, huwezi kuona watu wanachangamoto gani, unachojali wewe ni tumbo lako tu. Kuna msemo mmoja ambao watu wa kipato cha chini hupenda kuutumia kwamba 'natafuta pesa ya kula tu', ni msemo mbaya sana. Walio fanikiwa ni watu ambao wametatua matatizo ya wengine yaani watu. Wanacho kazana wao ni kutatua changamoto za watu na hapo umuhimu wao kwenye jamii unaonekana. Unaposema natafuta pesa ya kula tu ni lazima utaendelea kupambania kakazi uliko nako kwa sababu unajijali wewe tu.

2.Kukosa mtazamo mwiingine juu ya kile unachafanya. Kuendelea kufanya kile unachofanya kwa sababu anaona ya kwamba hakuna namna basi lazima utaendelea kuwa mwenye manufaa, mtakuwa mnapabania kitu kimoja na yule mwajiri anaangalia na kuchagua ni yupi mwenye manufaa makubwa kwangu ndiye anaye nifaa, akisha kupata yule ataendelea kupambania cheo chake na zama hizi wapo wengi wasomi na mwisho na utapoteza utu kwa kupakiwa pembeni.

Mpendwa msomaji, tulikuja duniani kuziba mapengo penye pango na sio kupambania pengo.Tunakosa umuhimu kwa sababu ya ubinafsi wetu, tunakosa umuhimu kwenye jami kwa sababu ya mtazamo wetu mdogo, tumekuja kusababisha utu palipokosa utu, tunaalikwa kutatua changamoto za watu, na sio kuwa mtu mwenye manufaa kwa mtu mmoja yaani unageuzwa kuwa gari yaani natumia kwa mda harafu nitaacha, mbaya sana hii.

Endelea kujifunza kupitia blogu hii, na OMBI; Naomba nisaidie kushirikisha wengine ujumbe huu ili uwafikie wengi zaidi, usiache kutoa maoni yako juu ya makala hii na blogu kwa ujumla.

Wako SADICK KILASI wa jikolaushauri.blogspot.com
Mawasiliano ni 0687000768 au sadikila65@gmaili.com.