Sio kila jambo sawa, mambo mengine ni upuuzi tu.

Ni siku nyingine tena rafiki yangu mpendwa, siku mpya, hongera kwaajiri ya siku hii mpya na hatuna budi kumshukuru mwenyezi Mungu kwaajili ya siku hii mpya. Ni kwa neema na rehema za upendo wake sisi kuina siku hii ya leo. Jambo moja ambalo unatakiwa kulitambua wewe msomaji ni kwamba wapo wengi sana ambao walitamani sana kuiona siku hii lakini wameshindwa, sasa wewe ni nani mpaka uione siku hii ya leo? Kwa maana hiyo lipo kusudi kubwa ambalo mwenyezi Mungu anataka utende si bure rafiki yangu.

Karibu katika somo la leo, ili kwa pamoja tupate kujifunza hili jambo ambalo mimi rafiki yako nimekuandalia wewe msomaji wangu.

Katika dunia hii ya sasa, dunia yenye mambo mengi ya kufanya, dunia iliyojaa wapimgaji wengi na wakatisha tamaa, dunia yenye kelele nyingi za vitu, dunia yenye ya walio feli wengi na walio fanikiwa, dunia ambayo wakati hauendi na mtu lakini binadamu wanaenda nao, dunia iliyojaa fursa nyingi sana mpaka zinakuwa utapeli, dunia iliyojaa kiza kinene kwa kutokuwa na taarifa sahihi, dunia iliyojaa matokeo mengi kuliko kawaida sio kila jambo ni sahihi, mambo mengine ni UPUUZI tu, ndio ni upuuzi tu.

Hatuwezi kwenda na kila kitu lazima mengine tuchukulie kama upuuzi tu. Akili zetu haziwe kupokea kila kitu, sasa sisi tutakuwa ni dampo la kutupia takataka, mambo mengine ni upuuzi na bora niwe mjinga kwenye mambo mengine maana kila mtu anaujinga wake. Bora niwe mshamba tu, mimi siendi na wakati, wacha wakati uende zake.

Istragram na kubishana na watu, mwaka 2018 kwangu mimi ni upuuzi tu, siwezi kuvipa mda vitu hivi, upuuzi huu.

Endelea kujifunza kupitia blogu hii ili kupata maarifa zaidi na pia usiache kunishirikisha mambo ambayo kwako wee msomaji mwaka 2018 ni upuuzi tu yaani huwezi kuvipa mda hata kidogo. Nishirikishe kwa kunitumia meseji na kwa maoni na

ushauri.

Wako Sadick Kilasi,
Mawasiliano ni 0687000768 au sadikila65@gmail.com.