Hii ndio sababu ambayo inafanya watu kupitia changamoto kwenye maisha.

U hali gani mpendwa msomaji wa blogu hii ya JIKO LA USHAURI? Natumai umeamka salama kabisa. Ni siku nyingine tena, kwa neema ya mwenyezi Mungu tumeifikia siku hii, basi hatuna budi wa kumshukuru yeye kwa sababu yeye ndiye ndiye mweza wa kila kitu. Pasipo yeye sisi hatuwezi kufanya jambo lolote. Kwa neema zake na huruma basi anatuamsha kila siku, japo wapo ambao walitamani kuiona siku hii lakini wameshindwa, je? sisi ni akina nani mpaka sasa tu salama?

Karibu mpendwa msomaji tujifunze kwa pamoja somo nililo kuandalia leo, sababu ambayo inawafanya watu kupitia changamoto kwenye maisha.

Imekuwa ni tabia ya kawaida watu kulalamika wakati tunapitia kwenye changamoto, tumekuwa tukiona kama tumetengwa na wengine na kuona kama wengine hawatujali kabisa. Tumekuwa tukitaka kufurahia maisha wakati wote, bila kujiuliza ukifurahia maisha wakati wote kitu gani kitatokea? Tumesahau kabisa ya kwamba bila changamoto huwezi kuona furaha, lazima changamoto iwepo harafu ndipo furaha ifuate.

Maisha yangekosa hizi pande mbili basi yangekuwa hayana maana kabisa, je? tungepata furaha wapi bila kupitia ladha hii ya changamoto?

Sababu kubwa inayofanya sisi tupitie changamoto ni tupate ukomavu na wala si mateso, ni wakati ambao tunatengenezwa kuwa wastahimilivu, tunatengenezwa kuwa na subiri w, watu wagumu na wenye nguvu ya uvumilivu.Mungu anapo acha tupitie hali hii anataka kutupa nafasi nyingine zaidi sasa ili  aone ukomavu wetu lazima atuache kidogo tupitie changamoto na aone ustahimili wetu, akiona tu wakomavu anatupa cheo kinachofuata lakini kama tukishindwa hatupi kabisa.

Mpendwa msomaji cgangamoto ni ladha ya maisha, changamoto ni sehemu ya ukomavu wa kuifikia nafasi nyingine.

Endelea kutembelea blogu hii ili kujifunza zaidi, pia naomba unisaidie kuwashirisha wengine ujumbe huu ili uwafikie wengi zaidi.

Wako SADICK KILASI
Mawasiliano ni 0687000768 au sadikila65@gmail.com. Toa maoni kuhusu blogu hii kupitia mawasiliano hayo.