Mambo niliyojifunza kutoka kwenye kitabu cha ONGEA LUGHA YAKO [sikiliza sauti yako ya ndani ndio mafanikio yako].

Ni siku nyingine tena, natumai umeamka salama, hongera kwaajili ya siku hii ya leo. Karibu nikushirikishe mambo ambayo nilijifunza kutoka kwenye kitabu cha Ongea lugha yako, kitabu ambacho kimeandikwa na Deogratius S Kessy. Kuna mambo mengi sana ya kujifunza katika kitabu hichi, lakini yafuatayo ni baadhi ya mambo niliyojifunza kutoka kwenye kitabu hiki.

1.Katika zama hizi za taarifa kumekuwa na changamoto kubwa ya watu kushindwa kuishi maisha ya uhalisia na yenye maana, na hii ndo sababu ya mwandishi aliliona hilo na ndio maana akatuletea kitabu hiki. Tupo zama za taarifa, zama ambazo ni nzuri kuishi lakini ni zama ambazo zina changamoto nyingi sana. Jina la kitabu linaitwa ONGEA LUGHA YAKO [sikiliza sauti yako ya ndani ndio mafanikio yako], jina la kitabu ndilo lililo nifanya ninunue kitabu, na yafuatayo ni mambo niliyojifunza kutoka kwenye jina la kitabu.
-Kila mtu anauelewa wake katika jambo lolote, kwahiyo huwezi kuelewa kama mwingine anavoelewa
-Tumezaliwa kwa sababu kwahiyo tunapaswa kusababisha
-Tunaweza kujisikiliza wenyewe kabla ya kuwasikiliza wengine
-Vipawa vyetu vipo ndani mwetu
-Kuongea vitu vilivyo ndani mwetu bila kujali hisia za wengi yaani tutoe tulicho nacho.
Na mwisho naweza kusema akiwa na maana ya kwamba ndani ya miili yetu tuna usisi yaani unachotoa ni matokeo ya ndani mwetu. Haya ndiyo niliyo jifunza kutoka kwenye jina la kitabu na jina la kitabu linasanifu yaliyopo ndani.

2.Kuishi maisha yenye maana. Maisha yenye maana ni yale maisha ambayo muhusika anatambua na kuelewa nini au jambo gani ana paswa kufanya na ndilo lilomfanya azaliwe hapa duniani. Deo Kessy anatuarika ya kwamba kama wewe ni mwandishi basi andika maandiko yatakayosaidia jamii kizazi hadi kizazi na mwisho tambua dhumuni lako na timiza dhumuni. Haya ndiyo maisha ya ukuu.

3.Katika swala la kujifunza na kuongeza maarifa, Mwandishi anatuonyesha namna gani tunapoteza mda wetu kwa kuangalia tv na kwenda sehemu mbalimbali za burudani badala ya kuongeza maarifa. Watu wengi tumekuwa watu wa kujali mambo ambayo hayana maana badala ya kujifunza na kuongeza maarifa yaani tupo tayari kujibomaa sisi na kuwajenga wengine na mwisho tunakosa kuishi maisha yenye maana.

4.Mambo ya kuzingztia kabla ya kufunga ndoa,
-Badili mtazamo wako
-Usisubiri upewe ruhusa
-Kubali cghangamoto na uzikabili
-Hakuna mafanikio ya haraka
-Uwe mtu wa kupanda kujifunza
-Kubali kulipa ghalama
-Acha ushabiki wa vitu visivyokuwa na ulazima au msingi
-Uwe na nidhamu
-Uishi katika falsafa ya kutokuwa na hofu
- Uwe mtu wa kujali afya.
Haya mambo unatakiwa kuyazingatia na kuyaishi kabla ya kufunga ndoa.

5.Staa mkubwa unayetakiwa kumfatilia sana ni wewe mwenyewe. Kuna mtu mmoja alishawahi kusema siku hizi watu hawafungwi na mapepo ila wanajifunga wao kwa wao, yaani mtu anashindwa kuishi maisha yake anaishi maisha ya mtu mwingine halafu baadae unajipoteza wewe mwenyewe. mwandishi antuasa kwa kusema jifunze kuwa wewemwenyewe, usisubili  mpaka ufukuzwe bali jifunze kwanza wewe mwenyewe ili uweze kuwa bora zaidi.

6. Katika malezi ya watotowazazi ndio wenye jukumu lao na ndio kioo, na ili tuwe na jamii bora lazima tuwe na misingi bora katika malezi ya watoto na wazazi ndio jukumu lao kubwa.

7.Kuna sehemu kumi za kuchota baraka katika maisha
-Mungu
-Wazazi
-Watu wengine
-Familia
Kwahiyo lazima tutambue nini wajibu wetu katika sehemu hizo ili tuchote baraka.

8. Falsafa ya ufagio katika maisha. Falsafa ya ufagio ni falsatfa ya unyenyekevu. Maisha ni mahusiano kwahiyo tunapaswa kujenga mahusiano bora na wengine.

Haya ni machache kati ya mengi ambayo nimejifunza kutoka kwenye kitabu hiki, kikubwa ninachokuomba rafiki yangu jipatie kitabu hiki ili kujifunza mengi yaliyomo humo, labda nikwambie haya niliyokuandikia hapa ni machache sana kati ya mengi niliyojifunza kutoka kwenye kitabu hiki, hakikisha unajipatia nakala yako ya kitabu.  Kukipata kitabu hichi tembelea mtaalamu.net/kessydeo.

Maisha ni kuwa+fanya=kupata.
Wako SADICK KILASI
Mawasiliano ni 0687000768 au sadikila65@gmail.com, Usiache kujiunga na mtandao huu na kushare kwa wengine ili uwafikie wengi zaidi.