Chochote Kinachofanyika Kwenye Ulimwengu Huu Ni Cha Kibinafsi.

Kama unaishi kwenye dunia hii ya matokeo ukweli ni kwamba utakuwa umeona mengi na kufanya mengi sana. Wakati mwingine unafanya unalofanya ukiwa hujui nani unamfanyia kwa vile labda hujajiuliza maswali kwanini unafanya.

Ukweli ni kwamba chochote kinachofanyika chini ya jua ni cha kibinafsi ni Mungu pekee ambaye anafanya kwa upendo wake yeye mwenyewe kwetu sisi bila kujali kivipi sisi tulivyo. Lakini sisi tunayowafanyia wengine yote ni ya kibinafsi.

Ndoa ni ya kibinafsi, lugha tunayozungumza ni ya kibinafsi, pesa tunazotumia ni za kibinafsi, hewa unayovuta ni ya kibinafsi, malezi ya watoto ni ya kibinafsi. Chochote kinachofanyika ni cha kibinafsi.

Rafiki yangu, nakwambia chochote kinachofanyika ni kibinafsi ili uwe makini na kila kitu ili usije ukajikuta unajistukia pale ulipofika.

Kuwa makini na chochote unachofanya usije ukaumiza wengine au ukajikuta unaumia mwenyewe.

Ukawe na tafakari njema katika hili.

Wako Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.