Acha Ushabiki Kuwa Mwanafunzi Kwenye Kila La Maisha Yako.

Kama kuna kitu kikubwa ambacho kinaharibu maisha ya watu hasa kwa vijana basi ushabiki. Ushabiki umekuwa kila eneo la maisha yetu.

Katika kitabu cha Yeremia 12:5-6, Ikiwa umepiga mbio pamoja na hao waendao kwa miguu, nao wamekuchosha, basi wawezaje kushindana na farasi? Na ujapokuwa nchi ya amani u salama, lakini utafanyaje hapo katika kiburi cha Yordani? Kwa maana hata ndugu zako, na nyumba ya baba yako, wamekutenda mambo ya hila, naam, wamepiga kelele nyuma yako, usiwasadiki, wajapokwambia maneno mazuri.

Acha ushabiki kwenye kila eneo la maisha yako, ninapozungumzia ushabiki simaanishi ule ushabiki wa mpira na michezo mingine hapana, namanisha kwenye kila kitu, katika familia, kwenye kazi, popote ulipo kuwa na Ukweli, jifunze kwenye kila hali.

SOMA:Kaa Na Ujisikilize Mwenyewe Unasemaje.

Mungu alikuwa anamwambia Yeremia kwamba wewe unalalamika kwamba mimi nimewaacha watu wabaya wanapiga mbio lakini wewe huoni hapo hapo unapoishi nao wapo hivo hivo lakini huoni kabisa unawaona wale wa mbali. Umewashindwa watembea kwa miguu, je utawaweza farasi?

Hata sisi mambo yapo hivo hivo, tunatumia hisia zetu na mitazamo yetu kuhukumu watu walio mbali wakati mambo hayo hayo sisi wenyewe tunayafanya.

Kwenye kila eneo la maisha yako usichukulie kama kawaida, kila siku ni siku mpya. Mambo hayawi kama yalivo, jiandae kujifunza ili usistukie kitakacho tokea.

Usimwamini mtu yeyote kwenye kila eneo la maisha yako, usiwe shabiki kwa yeyote bali kuwa mwanafunzi kwa kila mtu, jifunze kwenye kila eneo la maisha yako hutakuwa na mtu wakumlaumu.

Duniani hamna ukamilifu kwahiyo ukiwa shabiki kwa watu utabeba na visivyo bebeka. Punguza kunoti mambo bali jifunze kumegamega na kufinyangafinyanga kila neno ili upate msingi wako ambao ndio ukweli ambao hauhitaji ukalili.

Usishabikie mtu yeyote, bali jifunze tu, hata kama unaangalia mpira ni vema ukawa unaangalia bila ushabiki ili ujifunze. Unaweza kujifunza namna ya kuwa jasiri na mambo mengi.

Kuna vitu viwili ambavyo dunia inatumia kufanya maamuzi, ni hisia na mitazamo. Hisia na mitazamo sio ukweli wenyewe.

Kwahiyo rafiki yangu kuwa makini na kila mtu.

Karibu kwenye group letu la SURA YA UKWELI tupate kujifunza kwa pamoja.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.