Tumia Vizuri.

Sadick Kilasi:
Ili Kuwa Mzima.
Wakati mmoja tulikuwa tunajifunza somo la ubunifu. Ikawa imeingia maada ya neti, jinsi ambavyo tunapokea misaada ya neti na jinsi watanzania wavyotumia neti hizo. Lengo la watoa misaada ni kujikinga na ugonjwa wa maleria lakini ikaonekana kwamba wabunifu wanaweza kutumia neti kuvua samaki na wengine uswahilini huku tunatumia kama madodoki. Lengo la watoa misaada halitimii kwa sababu ya matumizi ovyo ya wapokea misaada japo nao ni ubunifu.

Mpendwa, ninachotaka kukuonyesha hapa ni nini? Kumekuwa na watu ambao wanawatumia hovyo watu kutimiza tamaa zao. Kumekuwa na watu ambao wanatumia neno la Mungu hovyo ili kutimiza tamaa zao. Hatuutafuti ukweli ila tunatumia kama tunavyotaka sisi. Wewe uliyepewa hicho ulichopewa tumia vizuri kuwajenga wengine. Usiwe na tamaa, timiza kile ulichotumwa. Tunatumia vitu, tunawatumikia watu. Hatujaja ulimwenguni kukusanya vitu bali tumekuja kutimiza kwa kila mmoja sehemu yake. Usiwe na tamaa, tambua kusudi la kila kitu.
🕴🚶🏃✊