Mitazamo Ni Kama Oksijeni Ambayo Watu Hawaijui.

Sadick Kilasi:
Hichi Ndicho Ambacho Dunia Inahitaji Sana Na Kimesahaurika Kwa Watu.


Ukiacha hewa ya oksijeni na ukiacha maji na kujumuisha na chakula kitu cha tatu ambacho dunia inakihitaji kwa kiasi kikubwa basi ni MTAZAMO. Hichi ndicho ambacho dunia inakihitaji sana na ndicho ambacho dunia imekusahau sana.

Nawezs kusema mitazamo ni kama oksijeni kwani ndiyo ambayo inasimamia uhai unaotuzwa kwenye mwili. Kama mtu akishindwa kuendesha mitazamo yake juu ya maisha yake ni sawa na fedha ambayo tayari kutu imengia, pole pole shilingi italiwa na mwisho itaisha kabisa.

Mitazamo ndicho ambacho kilimfanya Adamu ajione uchi na kukubali kutawaliwa na shetani lakini pia mitazamo ndio Yesu alileta ili kwa mitazamo tupate kupona. Anasema, Njoni kwangu nyinyi nyote mtesekao na mizigo, nanyi mtapumzishwa. Jivikeni nira yangu, kwani  NIRA yangu ni laini na nyepesi.

Gharama ya mitazamo ni kujifunza, na gharama ya kujifunza ni kuwa mtu wa kujishusha kwa kukubali kuwa mjinga na kujiuliza kwa kujifunza kwenye vitu vya kijinga kabisa. Gharama ya mitazamo ni kusoma sana, haijarishi wewe ni nani unapaswa kuwa mtu wa kujifunza na kuendana na mabadiliko.

Mitazamo ni oksijeni ya kipekee ambayo dunia haiitambui kwani haionekani kwa macho. Watu tunapenda kuendeshwa na vitu ambavyo vinaonekana na ndio maana Mungu aliifanya oksijeni ijiendeshe automatic la sivyo watu wote  tungeng'ang'ania vitu ambavyo vinaonekana kwa macho.

Watu wangu wanaangamia kwa kukosa maarifa. Mitazamo inamtaka mtu ambaye yupo tayari kubadilika na si kung'ang'ania kile ambacho unakijua kwani kitakuangamiza.

Jiuleze, unachukua muda gani kusoma, unachukua muda gani kujitafakarisha? Maisha yetu yamekuwa maisha ya mkukumkuku kwa sababu ya mitazamo yaani kwa sababu ya kushindwa kujiendesha badala yake kuendeshwa na mazingira.

Badili fikira zako, chukua hatua ya kusoma hasa neno la Mungu na anza kuwa mtu wa kujitafakarisha.

Magonjwa mengi ya ajabu yanatuvamia kwa sababu ya mitazamo yetu. Tunaruhusu hali fulani na hiyo hali inaruhusu udhaifu na hofu nyingi katika maisha yetu Yaani mtu anaweza akaamka asubuhi akawa anasumbuliwa na ndoto yake ya usiku na ikaharibu kabisa siku yake na siku yake ikawa hovyo kabisa hii yote ni kwa sababu ya mitazamo. Utayari wa kupokea jambo.
Viatu ulivyo vaa vitakupeleka unakokwenda.

Anza kubadili mitazamo kwa kujifunza. Nimekuwa natumia muda mwingi kuandika ili kukuweka katika hali fulani ambayo ni barabara sahihi na si barabara ya mkukumkuku, kwa hiyo lazima utambue kuwa huu ni ulimwengu wa matokeo yaani kila kitu ambacho kinatokea tayari kimetokea katika ulimwengu ambao hauonekani kwa macho kwahiyo unaposhindwa kuelewa vizuri unajiangamiza mwenyewe bila kujua.

Asante na karibu katika magroup yetu ili uendelee kujifunza na kubadili mitazamo yako. Mungu akubariki. Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.