Falsafa Ya Kilimo Na Ufugaji 2

Sadick Kilasi:
Falsafa Ya Kilimo Na Ufugaji, Mkulima Lazima Auharibu Ufugaji Ambao Hauna Uzalishaji.

Karibu tena katika mwendelezo wa uchunguzi wetu wa Falsafa ya kilimo na Ufugaji. Katika mwendelezo huu wa kutumia Falsafa hii wengi tutatoka katika vifungo fulani vya mazoea endapo tu tutachukua hatua.

Ukichunguza katika historia utagundua kwamba Ufugaji ulianza kabla ya kilimo. Ufugaji ni ile hali ya kufanya kitu Na kinakuwepo tayari. Kuna Ufugaji ambao hauna tija kabisa ambao mara husababisha majanga katika ardhi kwa sababu unakuwa hauna maana na hauleti mabadiliko yoyote. Sasa ili Ufugaji uwe  na tija lazima mkulima ahusike hapo. (Kidogo hapo huwezi kunielewa lakini utanielewa huko mbele kwanini ili mfugaji awe na ufugaji wenye tija lazima mkulima ahusike).

Wakati namhoji fundi kushona nguo, alinambia kwamba yeye lazima aharibu kitambaa ambacho kimefugwa ili kutengeneza nguo mpya. Yeye ananunua kitambaa ambacho kipo tu na kimefugwa, sasa ili atengeneze nguo ambayo anataka lazima aharibu na kukatakata kile kitambaa. Wakati huo kwenye kilimo lazima uiharibu ardhi ambayo na haina kazi, inawezekana ilikuwa ni msitu mnene lazima ukatekate miti na kuugeuza udongo ambao upo ugeukie chini na ardhi iwe katika hali ya ukiwa na utupu ndipo iruhusu mazao mapya kumeya. Na hapa ndipo tunakutana na Falsafa ya finger thinking✊.  Kila kitu ambacho kipo nje kipo ndani ya ubongo na mwili wako.

Katika maisha inawezekana kuna kitu kinakutesa kwa muda mrefu, katika maisha inawezekana Ubongo wako umejifunga katika hali fulani, inawezekana upo katika uraibu wa hali fulani, zana pekee ambayo utaitumia ni ukulima na kuanza ufugaji mpya ambao wewe mwenyewe unakuwa unajipangia si kama ufugaji ule wa kimasai ambao wewe unafuga mang'ombe mengi kiasi kwamba hujui kwanini unafuga na unafuga kwa sababu wewe ni mfugaji.

Kilimo ndicho kilicholeta  kutafakari japo ufugaji ndio ulikuwa wa kwanza kuwepo, kilimo ndicho kilicho ruhusu ufikiri wa kimaendeleo, kwani usipokuwa mhuharibifu huwezi kufanya jambo lolote jipya. Wakati Yesu alipopokea Roho mtakatifu ilibidi apelekwe jangwani na huko jangwani tunajua jinsi hali ya jangwani ilivyo, huko ndiko tunajitambua tukuwa tunapitia majaribu mazito mazito. Katika maisha ili uwe na ufikiri wenye maana lazima uende kwanza jangwani yaani hali ya ukiwa na utupu. Tengeneza hali ya ukiwa na utupu ndani ya ubongo wako, wakati unatengeneza hali hii ndipo unamruhusu Mungu kupitisha ujumbe kwenye fikira zako. Wengi tumeweka tamaa za vitu ambavyo tunavihitaji na ndio maana hatuwezi kuzifanya fikira zetu kuwa pevu. Katika maisha watu wengi tunashindwa kujivisha ile hali ya ukiwa na utupu kwani hali hii ndio inaruhusu zao jipya kumea na ndilo zao ambalo Mungu anakuwa amepanda kwani kila mzao wa kwanza ni wakifu kwa Mungu lakini kutokana na tamaa zetu tunajikuta tunapandikiza vitu ambavyo havina maana yaani sanamu na huku ndiko kuabudu miungu mingine.

Hatuwezi kujivisha rangi ya samawi yaani buluu kama upepo wa dunia hii utatuendesha. Mara nyingi sana tunatolewa katika upekee kwa sababu ya kutokulinda uwepo wetu na tunachukuliwa na kawaida ya dunia hii, kwahiyo jifunze kutunza uwepo wako na uhalisi wako.

Kwa leo tuishie hapa. Asante na Mungu akubariki.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.