Jivishe Reflector Yako.

Sadick Kilasi:
Jivishe Reflector Yako.

Siku moja nikiwa kazini kwenye zangu za ujenzi niliambiwa lazima nivae reflector. Nikawauliza kwanini nivae reflector wakati  reflector yenyewe ni kinguo kilaini sana kiasi kwamba ni rahisi kuadhirika kwa jambo lolote kwa sababu hamna ugumu ambao utazuaia? Nikajibiwa kwamba unavaa ili upate kuonekana na wengine ili kupunguza ajali, kwa sababu hiyo reflector inapopigwa na jua inaakisi mwanga na ni rahisi mtu kuonekana.

Moja kati ya jambo muhimu zaidi ni kujivisha reflector yako yaani kuchagua upekee wako na kujizamisha kwenye upekee huo.
Watu wakivaa nguo za rangi fulani ni rahisi kuwatofautisha hata wakiwa mbali. Ni lazima uwe na upekee wako ambao ndio itakuwa zawadi yako ya pekee.

Moja ya sababu ya mtu kuishi maisha ya furaha ni kuwa na kitu cha kuwapa watu. Niamini mimi ukimpa mtu kitu unajihisi wewe unasababu ya kuendelea kuishi. Sasa watu wengi hatupendi vitu ambavyo tayari tunavyo, bali tunapenda vitu ambavyo hatuna. Na ndio maana imeandikwa, Madhabahu tunayoihudumia vyombo vyake hatuvitumii. Wewe unapaswa kuwapa wao na wewe uwe tayari kupokea kutoka kwako. Ushirikiano unajengwa kwa mapungufu. Mapungufu yanaleta mwingiliano na mwingiliano huleta kujengana.

Ili kuwa na upekee wako zipo tabia ambazo ubapaswa kuwa nazo na moja kati ya tabia hizo ni kukumbuka ni wapi ulikotoka. Mapito yako ya nyuma. Ukikumbuka ulikotoka mapito yako na asili ya wazazi wako lazima utajivisha rangi yako ya upekee. Hii ni moja ya njia ya kuvisha reflector yako ya upekee wako na itakuwa rahisi kuonekana kwa sababu wewe ni wa kipekee. Paulo alimwambia Timotheo, achunge sana Imani ambayo ilikuwa kwa Bibi yake, kwa Mama yake na anaamini kwamba hata kwake ipo. Na akamwonya kwamba asifuate namna ya dunia hii, ajisikilize zaidi ndani mwake.

Huwezi kutoa maji kwenye mafuriko na maji yako yakaeleweka. Huwezi kupiga kelele penye kelele ukasikika. Naam, uelewe mto wako na uuishi mto wako.

Jipatie soft copy ya Dunia Mama kwa shilingi 5000 tu ili ujengeke katika upekee wako.
Tuma malipo kwenye namba yangu 0687000768, nami nitakutumia kitabu. Asante, Mungu akubariki.

Sadick Kilasi wa jikilaushauri.blogspot.com.


Mawasiliano ni 0687000768 au sadikila65@gmail.com.