Huu Ndio Mji Tulivu Uliojificha.
Ushawahi kutaka kuishi maisha ya utulivu katika maisha yako? Au ushawahi kuutafuta utulivu katika maisha yako? Ndio, naamini utanataka sana utulivu wa maisha, maana kila unachohangaikia sasa ni kutafuta utulivu.
Utulivu huleta imani na imani huleta amani ya moyo na Amani huzaa tabasamu. Sasa, imani ya kweli hutoka katika neno la Kristo Yesu ili uwe Mwenye kujiamini.
Kama umekuwa ukihangaika sana kutafuta mji tulivu basi leo nakutangazia mji tulivu uko wapi. Mji tulivu ni mji ambao umejificha sana na mji huo umejificha ndani mwako.
Na ili ujengeke katika mji tulivu huo unapaswa kuwa na matumaini, matumaini katika neno la kweli na upekee.
Huwezi kuwa mtulivu kama hujachagua, na huwezi kuchagua kama huna imani, na huwezi kuwa na imani kama huna utambuzi sahihi wa chanzo cha imani yako.
Katika maisha lazima uwe mtu wa kuchagua vema ili ujiamini, kwani kujiamini ni kujilinda dhidi ya, na kuchagua njia sahihi.
Njia sahihi ya maisha ni kuishi ukweli uliopo ndani mwako. Ukiishi ukweli uliopo ndani mwako basi utawasilisha matokeo ya mji tulivu.
Kama unataka kujiamini basi usifanye yale yaliyo ya kawaida ambayo dunia inafanya. Lazima ujiami dhidi ya mambo na uishi upekee wako ulio mji tulivu wako ulioko ndani mwako.
Ukitaka kuishi sana mambo ya dunia utaendeshwa nayo. Mji tulivu unakuhitaji wewe uingie huko na uishi huko.
Usijikose wewe ishi wewe mwenyewe kama wewe.
Anza sasa na uishi wewe na uingie katika mji tulivu wako ukatulie huko huku ukiwa na uhakika wa matumaini yako.
Kuwa na matumaini katika neno la Kristo Yesu ili kuwa na hakika ili upate kutulia. Anza sasa kuishi maisha ya upekee wako kwa shukrani na kutaka sana kujua kile kilichopo ndani mwako.
Jipatie softcopy ya kitabu cha Dunia Mama, upate kujisomea polepole kwa upole wa moyo na matumaini na kujijenga katika upekee wako maana katika kitabu hichi nimeeleza kwa upana juu ya upekee.
Sadick Lazaro Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment