Hivi Ndivyo Wewe Unaweza Kutafsiri Neno La Mungu.

Sadick Kilasi:
Hivi Ndivyo Wewe Unaweza Kutafsiri Neno La Mungu.

Mungu kwa upendo wake ametupa Roho Mtakatifu kwa njia ya Kristo Yesu awe msaidizi wetu katika yale ambayo tunayafanya.

Roho Mtakatifu ni msaidizi wetu katika yale ambayo tunayafanya yanayomtukuza Kristo Yesu.

Lakini pia katika hayo hayo tunayoyafanya kuna sehemu kubwa ambayo sisi kama sisi tunapaswa kuhusika na kuwekeza nguvu zetu na Roho Mtakatifu anahusika zaidi kwenye hayo hayo kwa pamoja.

Kwa hiyo, kuna uwekezaji fulani ambao mtu anapaswa kufanya  naye Kristo Yesu kupitia Roho Mtakatifu atamsaidia mtu huyo kuhakikisha anafikia kusudi.

Marko 8:22, Wakafika Bethsaida, wakamletea kipofu, wakamsihi amguse. Akamshika mkono yule kipofu, akamchukua nje ya kijiji, akamtemea mate ya macho, akamwekea mikono yake, akamwuliza, Waona kitu? Akatazama juu, akasema,  Naona watu kama miti, inakwenda. Ndipo akaweka tena mikono yake juu ya macho yake, naye akatazama sana; akawa mzima, akaona vyote wazi wazi. Akampeleka nyumbani kwake akamwambia hata kijijini usiingie.

Kwa hiyo, hapa tunaona kuwa kuna sehemu ambayo kipofu ikimbidi ahusike kwa kutazama sana ili apate kuona wazi wazi. Ingawa Yesu alikuwa anamsaidia lakini hata yeye kipofu alijitaidi kuhusika katika kutenda na kuona uhalisi wa mambo.

Sasa, Leo,  katika injili ya Kristo Yesu, nitakupa njia ya kufasiri neno la Mungu, ambayo ni njia ya injili yenyewe ya Maji na Roho.

Zaburi 1:1, Heri mtu yule asiyekwenda  Katika shauri la wasio haki; Wala hakusimama katika njia ya wakosaji; Wala hakuketi barazani pa wenye mizaha.

Mtu, asiyekwenda, asiyesimama wala kuketi; kwa mchakato huu kila neno hufasiliwa.

Kwa hiyo, njia hii ndio njia ambayo kila neno hufasiliwa. Tunasoma vitabu vingi sana lakini maneno yote ya kwenye vitabu tunayosoma huhifadhiwa  kwa njia hii.

Katika neno la Mungu, neno la Mungu limeandikwa kwa njia, tofauti na vitabu vingine vya kawaida.

Hiyo ndiyo siri ya kufasiri neno, naam, hiyo njia ndio njia kutafsiri neno. Mara nyingi hiki huwa ni kipawa ambacho mtu anawekewa ndani yake ili kuwasaidia wengine.

Kwa njia hii kila neno ambalo utasoma na kusikia utatambua ni sehemu gani ambayo unapaswa kulihifadhi neno hilo.

Baadae maneno hayo huvunjwavunjwa ili yatumike sawasawa na inavyopaswa. Na Roho Mtakatifu ndiye humsaidia mtu katika kunena hayo.

Kwa hiyo, chukua hatua leo ya kuongeza talanta hii nawe utaona wazi wazi.

Mungu akubariki, hiyo ni zawadi yako. Amina.

Sadick Lazaro Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.