Falsafa Za Asili (Songa Ugali).

Sadick Kilasi:
Falsafa Za Asili, Songa Ugali.

Wanasayansi wanaamini kwamba mmea hauwezi kujitengenezea chakula kama hamna mwanga wa jua, Maji na Caborndioxide.

Mimi naamini katika Falsafa Za Asili kuwa siwezi kula ugali kama Maji na Unga na mwiko usiposonga. Lakini naamini zaidi ya mwiko kuwa mwiko hauwezi kujiendesha wenyewe kama hamna mtu anayeendesha.

 Kwa hiyo tangu sasa elewini habari za mambo haya nyinyi mlio wanasayansi kuwa jua linaendeshwa halijiendeshi lenyewe, maana jua ndio mwiko ambao unasonga chakula cha mmea.

Sayansi bora ni ile sayansi ambayo inapatanisha watu na Mungu na si kujiinua yenyewe. Je! Mwiko ujisifu wenyewe?

Aliyetumwa si zaidi ya aliyemtuma, naam, mwenye kutuma ni mkuu zaidi ya aliyetumwa.

Kwa hiyo, Falsafa Za Asili ni zawadi yetu sisi Waafrika, maana hizo ndizo tunazoishi. Tunamshuru Mungu kwaajili ya asili hii, naam, mwenye maarifa hula vya Babaye.

Sayansi ni yetu kwani inatuendeleza zaidi ya viwango hivi tulivyonavyo kwa utukufu wa Mungu. Ukikosa shukrani kila kitu kilichopo ni mzigo.

Tukithamini asili tutapata sayansi ili kurusha vitu vya asili angani.

Umpe Mungu utukufu kwa kila kitu kwa shukrani na unyenyekevu nawe utapokea zaidi ya hivi. Mafanikio yako yapo katika shukrani.

Nasema tena, sayansi bora ni ile ambayo inamtukuza Mungu kwa kazi zake, ikijua kuwa mwiko hauwezi kujizungusha wenyewe.


Sadick Lazaro Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.