Mbona yote hayo ni ubatili mtupu

Ubatili mtupu, ubatili mtupu, mambo yote ni ubatili mtupu, mtu ana faida gani ya kazi yake anayoifanya chini ya jua? Kizazi huenda kizazi huja ; nayo dunia hudumu  daima. Jua lachomoza, na jua lashuka na kufanya haraka mahala pa mawio yake.

Upepo huvuma kusi, hugeuka kuwa kaskazini; hugeuka daima katika mwendo wake na upepo huyarudia mazunguko yake. Mito yote huingia baharini, walakini bahari haijai, huko iendako mito ndiko irudiko tena.

Mambo yote yamejaa uchovu usionekana, jicho halishibi kuona, wala sikio halikinai kusikia.

Mambo yote unayotaka kukimbizananayo hayo yote ni ubatili mtupu, kila toleo la simu likitoka wewe unataka kununua ubatili mtupi, kila fashion ya nguo ikitaka kutoka unaitaka ubatili mtupu, kila toleo la gari likitoka unalitaka ubatili mtupu, ubatili mtupu, ubatili mtupu.

Kwanini dunia inakupelekapeka peleka huku na kule kijana mwenzangu, mambo yote yamejaa uchovu mtupu, tamaa ya mwili inakupeleka wapi? Yote hayo ni ubatili mtupu.

Yaliyo kuwako ndiyo yatakayokuwako; na yaliyotendeka ndiyo yatakayotendeka; wala jambo hakuna tena chini ya jua. Je? kuna jambo lolote ambalo watu husema juu yake, tazama hili ni jambo jipya chini ya jua? Limesha kuwako tangu zamani za kale zilizo kuwa kabla yetu sisi.

Kijana mwenzangu kwanini unakimbizana na upepo vyote hivi vipya vilikuwapo, vipo na vitakuwepo. Jiwekee misingi katika maisha yako wacha kukimbizana na mambo ya dunia hii.
         Kutoka MUHUBIRI 1 kwenye kitabu cha Biblia.

Endelea kutembelea blogu hii JIKO LA USHAURI kujifunza zaidi.