Falsafa Za Asili: Jiwe Lililirushwa.

Falsafa Za Asili.

Ukitaka mtu aseme ukweli wa moyo wake, mgandamize, mwonee sana. Lakini mwenye hekima akijua hili hatakwambia ukweli wa mambo.

Jiwe linaporushwa kutoka juu kwa msukumo mkali na kujibamiza chini husababisha mpasuko wa vipande vipande vingi kama cheche.

Mkondo wa maji unapozibwa hutafuta kila njia ili kutiririka.

Moyo wa mwanadamu hufisha mengi, Ni nani awezaye kuujua.

Usimtegemee mwanadamu, jitegemee. Mwanadamu asemapo ndio, uongo umebaki ndani yake. Na asemapo uongo, ukweli ameuficha ndani.

Ni nani ambeye hupenda kuambiwa nusunusu?  Naam, Ni mwanadamu yupi awezaye kunena kweli yote?

Acha moyo wako uongee, wewe kaa kimya kabisa.

Sadick Lazaro Kilasi.

Read More

Meli Kuelea Juu Ya Maji.

Meli Kuelea Juu Ya Maji.

Leo usiku, usiku wa Leo, Mungu amenifundisha kitu kikubwa sana.

Amenifundisha namna ambavyo mchakato wa meli inavyotengenezwa na mwisho kuingia baharini kufanya kazi.

Ukweli ni kwamba, meli hutengenezwa pembeni mwa bahari, (nchi kavu) kwaajili ya matumizi ya baharini.

Katika maisha tumekuwa tunatumia muda mwingi kwaajili ya kusoma vitabu na kujipatia maarifa katika nchi kavu. Ndio, kuna wakati wa utafiti na wakati wa kutendea kazi utafiti.

Inawezekana kwamba Mungu alikuwa ananikumbusha kuwa huu ni wakati wa kung'oa nanga kwaajili ya kutumia yale ambayo nimejifunza.

Meli kuelea juu ya maji ni mfano wa mtu mwenye maarifa kuwahitaji wasio na maarifa.

Katika maisha tunawahitaji watu ambao hawana hawana maarifa ili kuwapa kile ambacho tayari sisi tunacho. Utofauti ndio kitu ambacho tunahitaji ili kuwa watu ambao tunakamirisha utofauti.

Inawezekana umejifunza sana maarifa juu ya sehemu fulani uliyochagua kuishi, basi, huu ni wakati wa kung'oa nanga ili kuanza kazi.

Inuka sasa kwaajili ya kazi, usiwe mtu wa kutengeneza meli daima katika nchi kavu, mtu ambaye usiyetaka kukamirisha kazi yako.


Huu ni wakati wa kung'oa nanga yako. Umewekeza muda mrefu katika kutafuta maarifa, sasa wekeza katika utendaji.

Yawezekana kabisa hata mimi nilikuwa natafiti, na, ndioma Mungu ameamuru ning'oe nanga kwaajili ya kutendea kazi kile ambacho nimejifunza.

Je! Mkulima atafunua madongoa daima?  La, akisha kufunua madongoa hupanda mbegu; Nazo mbegu huota, na baadae huzarisha matunda mengi.

Je! Watu hupika chakula na kukiweka katika poti kikae humo daima? La, Wakati ukifika hupakuliwa kwaajili ya kuliwa.

  Itupe meli yako baharini, kwaajili ya matumizi yanayopaswa kutumiwa.


Sadick Lazaro Kilasi wa jikolaushauri.blogspot.com.

0687000768

Read More

Pembe Tatu

Pembe Tatu Na Jinsi Ambavyo Unaweza Kutatua Matatizo.

Hesabu za maumbo ni hesabu ambazo zilianzishwa na Wana Mahesabu. Wataalamu wa  hesabu.

Tunapozungumzia mahesabu ya maumbo tunazungumzia mzunguko unaunda umbo fulani kutokana na umbo la kitu.

Kutokana na muundo wa umbo unajua kuwa hapa niliposimama nimesimama sehemu gani.

Kutokana na maumbo hayo tunakuwa tunaiwezo wa kupambanua mahusiano kati yetu na wengine. mfano, ukisisimama na mwezio katika mstari mmoja mnakuwa na mtazamo mmoja, lakini wakati wewe unabadili mkao wako na unamwacha mwenzio tayari unakuwa na uwezo wa kuona pale ambapo ulikuwa umesimama kwa mara ya kwanza na sasa umesimama sehemu gani.

Kwa njia kama hii, sehemu ambayo umesimama kwa sasa unaweza mshawishi mwenzio kuja sehemu ulipo ama la.

Kwa mfano, Mimi Sadick ni wa Kristo, nimefanyika kuhani wa Kristo, kwahiyo mkao niliokuwanao zamani na sasa ni tofauti.

Kutokana na jinsi ambavyo nimebadili mkao, ijapokuwa tangu utotoni mwangu nimekuuzwa katika imani ya Kristo Yesu lakini katika utoto nilikuwa nafanya si kwa imani yangu lakini sasa nafanya kwa imani yangu. Mtazamo nilionao juu imani yangu kwa Yesu nimebadili na najaribu kuona kwamba naweza kwenda hatua ya ziada zaidi ili kumjua zaidi Kristo Yesu.

Elimu ya mitazamo inahusiana sana na Elimu ya maumbo. Kwa mfano, Ukiona unabishana na mtu ujue kuwa mitazamo yenu ipo sawa. Lakini kama ukiruhusu kujiona basi unaweza ukabadilika pale ulipo ili mabishano yasiwepo tena. Ukibadili mkao utaona vema pale ulipokuwa umesimama mara ya kwanza na utamwona mwenzio alipo.

Kama ukijua kosa lako ulilokuwa nalo mara ya kwanza, utamsamehe mwenzio.  Watu huwa tunawasamehe wengine si kwa uwezo wetu, bali makosa ambayo tuliwahi kufanya yanatupa uwezo wa kuwasamehe wengine.

Hiyo halo juu ni kanuni ya pembe tatu. Lakini wakati mwenzio amekubali msamaha wako basi, jua kuwa umemjenga mwenzio na mmekamirisha pembe nne. Sisi sote tumefanyika makuhani wa Kristo Yesu kwa wale ambao hawajamjua yeye.


Hapa nimetumia mahesabu ya lugha za hisabati. Lakini vyote hivi ni vya Mungu mweza wa yote. Haijarishi kwamba aligundua binadamu, lakini Mimi nasema kuwa yeye aliona vyema. Unajua kila kitu tayari Mungu mwenye uweza Mwuumba  Mbingu na nchi alifanya kuwa tayari kwa vyote. Anataka watu waone vyema tu.


Amina.


jikolaushauri.blogspo.com.


Sadick Lazaro Kilasi.

Read More

PENDO LA HEKIMA.

Kujipenda kuna kufanya wewe mwenyewe binafsi kuchukua hatua sahihi lakini pia kunakufanya kuwapa wengine thamani unavyojipa wewe mwenyewe. Jilinde wewe mwenyewe ili upate kuwalinda wengine pia.

Sadick Lazaro Kilasi.

Read More

Uhuru Wa Kufanya Mambo Na Mipaka Yake.

Uhuru Wa Kufanya Mambo Na Mipaka Yake.

Katika maisha kila mmoja anahitaji uhuru. Haijarishi ni mtu wa namna gani awe mkubwa ama mdogo, uhuru ni jambo la muhimu kwa kila kiumbe chochote kile.

Ushawahi kumipinga sisimizi  mbele yake, katika mwenendo wake? Hakika ukiwapinga siafu katika msafara wao hukasirika sana.

Maisha ni uhuru, na hapo ndipo maisha kwako yanaweza kueleweka. Haijarishi upo katika wakati upi lakini kama unaona njia mbele yako hata kama unawakati mgumu bado utakuwa na matumaini na furaha.

Kila kiumbe katika maisha kinatafuta Uhuru.  Hatupendi kuzongwazongwa sisi viumbe ambao tumeumbwa na Mwenyezi Mungu. Kama sisimizi hapendi kuzongwazongwa, yeye aliye kiumbe mdogo sana, je! sisi tulio viumbe wakubwa wenye akili zaidi? Kila kiumbe hupenda kiendeshe maisha yao kama chenyewe kinavyota.

Nenda kamchunguze jongoo, umtinge mbele yake, uone atakavyokasirika. Hakika atakasirika.

Ijapokuwa kila kiumbe anapenda uhuru, lakini uhuru usio na mipaka, huleta uharibifu.  Jongoo ni mmoja wa viumbe ambavyo havioni vizuri lakini hapendi kuingiliwa na kutingwa mbele. Anapohisi utofauti wa kutingwa hukasirika sana.
Lakini jongoo huenenda bila mipaka, kitu ambacho kinamfanya utamkuta ndani ya nyumba ya mtu, sasa huu ni uhuru uliokosa mipaka.  Tunahitaji kukosolewa ili tuone kosa letu.


Uhuru mkubwa ni wa muhimu, na kukosolewa kidogo inafaa. Sisi wenyewe ndio tunaotafuta uhuru, na mazingira yetu hupinga uhuru. Si kwamba yanakuwa yanapinga uhuru wetu bali sisi wenyewe tunakuwa tumeingilia uhuru wa mazingira. Kila kiumbe kimepewa mazingira ya kutawala, na mipaka yake.

Naam, kitu cha muhimu cha kutambua katika maisha ni Uhuru wa wakati wote.  Huu ni uhuru ambao haungiliki na chochote.  Hata mazingira hayawezi kuadhiri uhuru huu. Uhuru wa kimtazamo ambao unaendeshwa na maamuzi, ni uhuru wa ndani yako. Katika mazingira yoyote unaweza kufanya maamuzi huru wakati unatingwa ama kuzuiwa mbele.

Tulizaliwa tukiwa tumeyakuta mazingira yakiwa yapo, tukataka kutaka kuona ni namna gani ambavyo tunaweza kwenda sawa na mazingira na kutumia vile ambavyo tunahitaji.

Lugha ambayo tunazungumza hatukuzaliwa nayo, bali tumeikuta ikiwa ipo, tukajifunza na tukaenda nayo sawa.

Kwa hiyo, chochote ambacho unakutana nacho mbele yako ni kama kuzaliwa katika nchi usiyoijua, kwahiyo unapaswa kwenda sawa na yale mazingira ama nchi.

Maamuzi utakayofanya yatakuwa maamuzi huru kutokana na mazingira uliyopo, na kiwango cha uhuru huohuo.

Basi, uhuru ni wa muhimu katika maisha. Kila kiumbe kinahitaji uhuru. Angalia jinsi gani ambavyo unaendesha uhuru wako. Nguvu ya uhuru ipo katika mitazamo yako.

Kuna siri moja ambayo nataka nikupe, Leo, hapa.  Kuna uhuru wa akili na kuna uhuru wa hisia. Uhuru wa akili ni uhuru wa wewe kwenda sawa na mazingira. Uhuru wa hisia ni uhuru wa wewe kuendeshwa na mazingira.  Uhuru huu wote ni sawa, kwa wakati.

Asante.


jikolaushauri.blogspot. com.

Sadick Lazaro Kilasi.

Read More