Kama bado umekuwa unasubiri hali hizi mbili kutoka kwa wengine, hutopata.

Ni siku nyingine tena, hongera mpendwa msomaji kwa ajili ya siku hii ambayo umefanikiwa kuingia. Mungu wetu ameandaa kila kitu na ndiomaana sisi tunaingia siku ambayo mwenyewe alisha iandaa. Mungu alitutengenezea mazingira ya kufurahia hapa duniani ila sisi tunaenenda tunavotaka sisi na kutengeneza mbinu za kwetu na hapo ndipo maisha yanapokuwa magumu.

Moja kati ya misemo au kauli ambazo hutumika mitaani kwenye suala la upendo ni nampenda anaye nipenda, anayenipenda bado hajazaliwa. Na kwenye furaha tumekuwa tukiitafuta furaha kwa gharama kubwa mno ambayo imekuwa ikishindwa kutupa matokeo tunayotaka, kutafuta pesa, kutibiwa unapoumwa, kuoa mwanamke mzuri na mengine mengi ya dunia hii, tunachohangaikia ni furaha tu.

Vitu hivi viwili Upendo na furaha tunavitafuta kwa nguvu sana. Tumekuwa tukitegemea kutoka kwa wengine na tukitambua ya kwamba wao ndio watakao tupa furaha.

Watu wa dunia hii ni waajabu sana wamejaa tumejaa ubinafsi wa kutosha, kila kitu tunataka kupewa kutoka kwa wengine. Watu wote wanao jaribu kuwapatia vitu watu wanachotaka ni kuona wengine wanafurahi na wao ndio wafurahi.

Tumekuwa tukisubiri upendo kutoka kwa wengine baada ya kuona wale tunao jaribu kuwapatia vitu wanafurahia kwa mda harafu furaha ile inakata kama mafuta ya taa na moto. Tukijaribu sana kuwapatia vitu wengine na mwisho tunaona tumeferi mwisho tunasema na kusingizia ya kwamba anaye nipenda bado hajazaliwa.

Hali hizi mbili zimekuwa zikitafutwa kama vitu kwenye hii dunia. Mpendwa msomaji anayekupenda na anaye kufurahia wewe humjui kwani hadi mzazi mwenyewe anategemea mtoto wake afurahie na ndipo na yeye afurahi. Kwa sababu unapotegemea unaweza kusaliti ukipata sehemu nyingine. Upendo wa mzazi huwa unapungua mtoto anapokuwa mkubwa kwa sababu mtoto anakuwa mbali na mzazi, mzazi anashindwa kutegemea furaha ya moto.

Firaha ya kweli na upendo wa kweli uko wapi? Tunaweza kujifunza kutoka kwa watoto wadogo vichanga, ambao bado hawajamezwa na ya dunia hii huwa wanakuwaje. Watoto wadogo hawa hufurahi pasipo kufurahishwa, hupenda pasipo kuchagua.

Mpendwa msomaji watoto hawa hawategemei furaha ya wazazi wao, ila wao ndio hugawa furaha kwa wengine, hata wewe ikunje uso vipi kenyewe kanakuchekea tu, ukicheka yeye anaongeza kicheko.

Mpendwa msomaji unamsubiri wa kukupenda, unamfurahia anayekufurahisha, wewe hutapata furaha na upendo kamwe kwa wengine, vyote hivyo unavyo, wewe ni kuashilia tu basi.

Endelea kukifunza kupitia blogu hii, yapo mengi ya kujifunza zaidi na zaidi.
Wako Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com. Tuma ujumbe au maoni nitakujibu.

Jiko la ushauri